الزوجه والزوج السعيد ان طبقوا (؟؟؟؟؟؟؟؟؟؟؟))
اعزائى الكرام( الموضوع اللي بطرحه اليوم موضوع هام وحساس جداً (
اتمنى اقدر افديكم فيه ,
واتمنا رايكم فيه
من منا ماحلم بحياه زوجيه هادئه ومستقره....!!
اكيد الكل منا نسج في خياله احلى صوره لاحلى حياه.
وعلشان نحقق هالحلم ونحوله واقع ملموس لابد يكون هالحلم مبني على قواعد واسس متينه وسليمه للحصول على حياه زوجيه سعيده وناجحه.
السؤال اللي يطرحه نفسه هنا كيف نحقق هذه المعادله
عشان تنجح في حياتك الزوجيه بقولك ابتعد عن هذه النماذج التي يرثى لها ويحزنني حالها
ايتها الزوجه...
لاتكوني من الزوجات اللي اذا جلسوا بمجلس والعياذ بالله قطعوا لحم ازواجهم وشالوا وحطوا فيهم وبالاخير ولكنهن قالن شي ترجع لبيتها وتمارس حياته الزوجيه بشكل طبيعي وهو المسيكين ((ياغافلين لكم الله))
والا الزوجه اللي تجلس مع اهلها وتسب وتلعن زوجها وتشيل قلوب اهلها عليه وهي بس لافكرت اللي في قلبها ارتاحت ورجعت له ولا كن شي صار واهلها حقدو عليه من كلامها طبعا
واكثر شي يبط كبدي ويفقع مرارتي الزوجه اللي بوسط مجالس العصريه وسوالف جاراتها تخلي زوجها موضوع الحوار وهاااات ياتعليقات عليه وهو ولا طق خبر وكأنها جالس تقول نكته وهن يضحكن من قلب وهي معهن بالعجه
بالله مو حراااااااااام كذا افضح زوجي واضحك الناس عليه واكره اهلي فيه
وين حكمة الزوجه والا نست ان هذي مملكتها الخاصه ملكها وحدها ومايحق لاحد يقتحمها ولا يحق لها تقحم احد فيها
ولا ازكي بعض الازواج او ابرئهم بالعكس فيه عينات يرثى لها من جد
فيه بعض الازواج اذا جلس مع ربعه قام يسب في زوجته ويلعن جدها وعمها وخالها
واذا غلطت المسيكينه ماشاف لها معروف وجلس يسبها ويشتمها عند الناس
والاوقح من هذا الزوج اللي يتكلم مع ربعه عن تفاصيل حياته الزوجيه وكيف تعامله زوجته لدرجة ان بعضهم من الوقاحه يوصف زوجته حتى بفراشه كيف تكون مااقول غير وآآآآآآآآآآآآ أسفاهـ وين الغيره والا خلاص ماعاد فيه خصوصيه بين الزوجين.
أخواني أخواتي عمر السعاده الزوجيه ماتتحقق بالكلام والاحلام
السعاده من صنع الانسان نفسه
أختي الزوجه:
بيتك مملكتك الخاصه وعالمك الصغير فلا تسمحي لاحد ان يتدخل بينك وبين زوجك حتى ولو كانت امك فانت اعلم الناس بحالك وحال زوجك
عزيزتي حياتك الاسريه صندوق مقفل انت فقط تملكين مفاتيحه
لاتطلعي احد على مشاكلك مهما عظمت وثقي بانك وحدك القادرة على حلها واحتواءها مهما كان حجمها
فلكل بيت مشاكله وهمومه والزوجه الصالحه هي وحدها القادره على تخطي هذه المشاكل بالحكمه وحسن التصرف
وتاكدي بان السعاده الزوجيه بيدك انت قبل زوجك لما لديك من حكمه وحنان وحب لشريك حياتك ونصفك الاخر
أما أنت ايه الزوج:
فيجب عليك مراعاة زوجتك ومراعاة حق الله فيها قبل كل شي
ولاتنسى بانه لايوجد انسان خالي من العيوب
ومهما قصرت زوجتك معك بامر من الامور تاكد بانه قد ادت امورها الاخرى لك على احسن وجه ولا تنسى انها الشمعه التي تذوب لتنير بيتك وتضيء حياتك
ارجوك قم بحل مشاكلك معها بطريقة الحوار والكلمه الطيبه فالكلمه الطيبه لها سحرها على المرأه وثق بانها ستكون كما تحب ان انت احببت ذلك
ولا تقحم اهلك في حياتك فانت وزوجتك قادرين على حل مشاكلكم ان انتم احسنتم التصرف.
ولا ينسى كل منكم ان يردد بينه وبين نفسه ((مملكتي ملكي وحدي))
وفي الختام اتمنى ان اكون قد وفقت لطرح ماهو مفيد وانقلت لكم هذا الطرح للفائــــــــده منه ولكم خالص تقديرى
